Aug 25, 2010

வெளியேற அனுமதித்தல்.





வெளியேற்றவேண்டும்
அந்தக் காதுகளிலிருந்து இசையை
விழிகளிலிருந்து
பாவையை
வானிலிருந்து மேகத்தை
சூரியனிலிருந்து
வெப்பத்தை

வெளியேற்றுவோம்

காமத்தின் வாயதனைப் பிளந்து
காதலை உடலிலிருந்து உருவி
இப்படியாக
புனையப்பட்ட
பெண்மையை பெண்ணிலிருந்தே

நட்சத்திரங்கள் தாங்கி வந்தாலும்
இரவெனப்படுவது இருளே

வௌவாலின் பார்வையில்
விலங்குகள்
தலைகீழ்

சுழற்சி
காலத்தின் சிசு
முளைத்திடும் வேர்களில் பதிகிறது
ஓட்டுகளற்ற தராசு
ஒன்றின் நிழல்

No comments:

Post a Comment